निलम गाँउले
बाल्टिमोर अमेरिका

अँग्रेजी नयाँ बर्ष २०२२ नजिकीदै गर्दा अमेरिकाको बाल्टिमोर शहरमा सक्रिय तथा पुरानो सँस्थाहरु मध्य एक “म्याग्दी समाज अमेरिका ” ले “नयाँ बर्षको शुभ–कामना आदान प्रदान तथा साँगितीक साँझ” कार्यक्रमको आयोजना गरेर नयाँ बर्षलाई स्वागत गर्ने योजना तय गरेको छ ।

म्याग्दी समाज अमेरिकाको उपाधक्ष्य श्री भिम केसी ले बताए अनुसार कार्यक्रमको मुख्य आकर्षणमा द भ्वाइस अफ नेपाल सिजन दुईकी कोच तथा चर्चित लोकपप गायिका आस्था राउत हुने छिन भने अमेरिकामै रहेका अन्य स्थानिय कलाकारहरुलाई पनि यो कार्यक्रममा सहभागी गराऊने जनाउनु भएको छ । कार्यक्रममा नृत्य, लोक तथा दोहोरी गित साथै सालैजो गितहरु पनि प्रस्तुत हुने भएकोले यो कार्यक्रमले सबैखाले दर्शकहरुलाई समेट्ने उपाधक्ष्य केसीले बताउनु भएको छ ।

चर्चित गायिका आस्था राउत

कार्यक्रमको प्रवेश शुल्क खानपीनहरुको बारेमा प्रश्न राख्दा उपाधक्ष्य केसीले सबै कुराको छलफल भै नसकेको तर कार्यक्रम हुने चै पक्का भैसकेको बताउनु भयो । बिस्तृत जानकारी लिएर आफुहरु छिट्टै मिडियामा आउने केसीले बताए । कार्यक्रम हुने स्थान, समय र मिति भने ब्यानरमा देखाइए बमोजिम तय भैसकेको छ ।

नयाँ बर्षको शुरुमै हुन गैरहेको यस कार्यक्रममा उपस्थित भै शुभ–कामना आदान प्रदान गर्न र हाम्रा कलाकारहरुको प्रस्तुतीबाट भरपुर मनोरन्जन लिनु हुन बाल्टिमोरवासी सम्पुर्ण नेपाली दाजुभाई तथा दिदीबैनिहरुलाई बिनम्र अनुरोध पनि गरिएको छ ।